畢業後返第一份工好唔慣？入黎睇吓幫唔幫到你啦
唔知道大家剛畢業後第一份工有咩特別的經歷呢？會唔會幾個月都好唔習慣，每日都唔想返工。但係有無諗過其實係你"唔識"返工～ 千奇唔好攬晒啲野上身。 古語有云：多做多錯；小做小錯；唔做就唔錯。啱剛業難免會好主動，成日搵野做，有時連一堆唔關自己到事嘅都拎黎做。唔係話唔好，不過將職責範圍分返清楚都係應該，做好自已嘅份內事先好嘗試攬其他野上身，如果唔係你會死得好慘。 唔好咩都話得 咩都話做到，要識得拒絕人。 想係同事或者老細心目中盡力表現係好，但係千祈唔好懶醒人，地比咩你都拍晒心口話ok 無問題走晒去做。真係有信心做得到先好話信到，因為一黎你啱啱畢業老細對你嘅 expectation 唔會太高，二黎應承左人但係最後交唔到貨，結果仲衰過當初拒絕做。 仲有記住要識SAY NO。職場如戰場，未必個個同事都對你好，有時同事會見你新仔明知有啲就爆嘅大鑊野一野射比你，你又唔識得拒絕。有起事上黎你就真係一身蟻啦。 識好同事對你未來好重要。 點為之好同事就自已判斷啦，但記住近朱者赤近墨者黑，有研究話你返工最常接觸嘅4個同事拉返個average就係一個點樣嘅你。盡可能識返啲有心又叻嘅好同事，唔單止可以幫到你進步，日後仲可以運用佢地嘅人脈幫你介紹份好工！ 返工依樣野真係除左工事之外仲有大把野學... 尤其係對一個啱啱畢業嘅人黎講仲係難上加難。學校同職場上真係好唔同，要慢慢習慣吓啦，仲有返左工先明白到搵錢真係唔簡單～
