DK Effect - 點解越叻嘅人會覺得自己無知, 但越無知嘅人會覺得自己越叻呢?
唔知大家身邊有無啲學霸fd成日都話自己咩都唔識，但次次考出黎就最高分呢? 相反地有啲同學話成日都話自已咩識，好簡單，但結果考試出黎就好低分，跟住就會搵一堆籍口出黎解釋，唔肯承認現實。 其實依個現象被稱為 Dunning-Kruger effect (DK Effect)，由David Dunning 同 Justin Kruger 兩個心理學教授用左好多時間觀察人類行為而得出黎嘅偉論。簡單黎講就係 能力不足的人越會高估自己能力。相反能力越高的人會越謙虛同埋有自知自明。 大致上可分為三種人 新手 - 無知但覺得自己咩都識 普通人 - 有啲知識但覺得自己咩都唔識 高手 - 專家級但覺得自己只係對某個Area有信心 用我黎舉個例子 同幾個fd一齊第一次去玩滑水wakesurf，當其他fd要試十幾次先上到板企得穩，但我試左幾次就已經輕輕鬆鬆企得穩。當時我心諗咩原來滑水咁簡單，覺得自己好勁，自信爆晒棚。之前仲自信滿滿咁直接約啲高手fd去滑浪，睇住人地啲各種花式跳黎跳去先知道完來自己有幾新手🙈 (自己正正就係無知但覺得咩都識) 所以記得做任何事都要謙虛啲，學然後知不足，就算連愛因斯坦都唔會話自己咩都識，世界上要學嘅知識太多永遠都唔會學得晒。千期唔好做個半瓶水響叮噹，不知天高與地厚，越無知越可怕嘅井底之蛙。